රණවිරු හා මියගිය සොයුරු අනුස්මරණ වැඩසටහන - 2013

ආදී ආනන්දීය 94 කණ්ඩායම විසින් යුද්ධයෙදී දිවිපිදූ ආදී ආනන්දීය රණවිරුවන් හා මියගිය අප සාමාජිකයින් සිහිකරමින් ඔවුන්ට පිං පැමිනවීම සදහා 2013-03-24 පැවැත්වූ ලේ දන්දීම වැඩසටහන හා ධර්ම දේශනාව ඉතා සාර්ථක ලෙස අවසන් කිරීමට හැකිවූ බව සතුටින් දන්වා සිටින්නෙමු.

ධර්ම දේශනාව ඇතුළු මෙම වැඩසටහන සදහා දිවිපිදූ රණවිරුවන් හා මියගිය අප සාමාජිකයින්ගේ දෙමාපිය නැදැහිතවතුන් විශාල පිරිසක් සහභාගී වීම අප ඉතාමත් අගය කොට දක්වන්නෙමු. එදින ධර්ම දේශනාව බෞද්ධ‍යා ජාත්‍යන්තර රුපවාහිනී නාලිකාව ඔස්සේ ජාත්‍යන්තරයටම විකාශනය කරවීමටද සියලු කටයුතු පිලියල කොට ඇති බව සතුටින් දන්වා සිටිමු.

ලේ දන්දීමේ වැඩසටහන, ලේ දානපතියන් 103 දෙනෙකුගේ සහාභාගීත්වයක් ඇතිව පවත්වන්නට හැකිවීම පිලිබදව ජාතික ලේ දන්දීමේ සේවයේහි කාර්ය මණ්ඩලය ප්‍රසංසා කිරීම අප හට සතුටක් ගෙන දෙන්නක් විය.

ඇස් හා ශරීර දන්දීම සදහා සැලකිය යුතු ප්‍රමාණයක් තම කැමැත්ත පලකිරිමද ඉතා අගය කොට දක්වන්නෙමු.

තවද මෙම අවස්ථාවට 94 කණ්ඩායමේ සාමාජිකයින් බොහෝ පිරිසක් සහභාගී වූ බව ඔබ හට සතුටින් දන්වා සිටින අතර මෙම වැඩසටහන සාර්ථක කරගැනිම සදහා තම ශ්‍රමය, කාලය කැප කල, ධනය පරිත්‍යාග කරමින් නන් අයුරින් අප හට සහයෝගය ලබාදුන් එතෙර මෙතෙර සිටින සියලුම සාමාජිකයන්ට සභාපති ඇතුළු කාරක සභාව වෙනුවෙන් ගෞරවණිය ස්තුතිය පුද කර සිටින්නෙමු.